Guðmundur Arason ehf er eitt af framúrskarandi fyrirtækjum Íslands

Skrifað þann: 8. Mars 2018
Framurskarandi20102017

Fyrirtækið okkar Guðmundur Arason ehf er í hópi framúrskarandi fyrirtækja samkvæmt mati Creditinfo. Fyrirtækið er þar með í hópi 855 fyrirmyndarfyrirtækja sem þessa viðurkenningu hljóta, sem samsvarar um 2,2% skráðra fyrirtækja á Íslandi, en um 38.500 fyrirtæki eru skráð í hlutafélagaskrá.

Á hverju ári framkvæmir Creditinfo greiningu um fjárhagslegan styrk og stöðugleika fyrirtækja og þau fyrirtæki sem komast á lista framúrskarandi fyrirtækja eiga það sameiginlegt að vera með sterkar stoðir og stöðugleika í sínum rekstri. Þau eru jafnframt líkleg til að efla hag hluthafa og fjárfesta.

Hvað gerir fyrirtæki að framúrskarandi fyrirtæki að mati Creditinfo?

Er í lánshæfisflokki 1-3
Rekstrarhagnaður (EBIT) hefur verið jákvæður síðustu þrjú rekstrarár
Ársniðurstaða hefur verið jákvæð þrjú síðustu rekstrarár
Eiginfjárhlutfall 20% eða meira síðustu þrjú rekstrarár
Eignir a.m.k. 90 m.kr á síðasta rekstrarári og 80 m.kr tvö rekstrarár þar á undan
Framkvæmdastjóri er skráður í hlutafélagaskrá
Fyrirtækið er virkt samkvæmt skilgreiningu Creditinfo
Ársreikningi skilað á réttum tíma

Fyrirmyndarfyrirtæki í rekstri.
Einnig veittu Viðskiptablaðið og Keldan fyrirtækinu okkar fyrir skemmstu viðurkenningu sem eitt af fyrirmyndarfyrirtækjum í rekstri. 

Í heildina komast ríflega 850 fyrirtæki á listann eða um 2% fyrirtækja landsins

Til þess að komast á listann þurfa fyrirtæki að hafa skilað ársreikningi og uppfylla ströng skilyrði. Fyrirtækin þurfa að hafa skilað jákvæðri afkomu á rekstrarárinu. Tekjur þurfa að hafa verið umfram 30 milljónir króna, eignir yfir 80 milljónum og eiginfjárhlutfallið þarf að hafa verið yfir 20%. Auk þessa er tekið tillit til annarra þátta, sem metnir eru af Viðskiptablaðinu og Keldunni.